Şiirler (2008)

Поэзия относится к раннему творчеству Шамиля Алядина. Большинство своих поэтических произведений Шамиль Алядин написал еще в довоенные годы. Для большего удобства пользователей, перечень сборников автора с полным списком стихотворений, в них вошедших, собраны в разделе "Поэзия".

Orduğa ketem

Ay Petri astında – bir tatar köyünde,
Kün batsa, coyulsa, tınçlana ortalıq.
Selbiler yanında alçaq, dım evde,
Avlaqtan lipildep körüne yarıq.

Nafeni bekleyler: anası, qardaşı,
Dolması suvuğan sofranıñ başında.
“Vay, balam, evlâdım, anañnı bekletme!
Bavrımda büyüdiñ, keldiñ bu yaşıña”.

Keç ola, ay doğa çıtırman dağlarda;
Hızmetni bitirip şeñ Nafe kele.
Sığırğa yem bere, köz ete ahırğa.
Soñ kire qapıdan, sevine – küle.

– Beklegen künlerim kelse yetişip,
Sandıqnı elge alır, poyezdğa minermiz.
Bu maylı qalpaqnı kaptenarmusqa berip,
Bizler de qızıl asker şlemi kiyermiz.

Çoq közyaş aqızdıñ ağamnıñ peşinden.
Maña da ağlama, sızlama menimçün.
Quvan sen, bayram et, men yolğa tüşkende;
Qızıl Ordu çağıra, yigitlik, erlikçün.

Vatannı etraftan vaşiler sarğanlar,
Tiş qayray, uluylar içeri kirmege.
Biz ömür süremiz şüretli topraqta,
Kim ister yurtunı duşmanğa bermege!

Köz yaşı yat bizge, ağlama anam:
Bir kün tañ atqanda qapıñnı qaqarım.
Gülsümge söyleñiz, ordudan qaytsam,
Dostlarnı toplar da, bir bayram yaparım.!

1935 s.