Şiirler (2008)

Поэзия относится к раннему творчеству Шамиля Алядина. Большинство своих поэтических произведений Шамиль Алядин написал еще в довоенные годы. Для большего удобства пользователей, перечень сборников автора с полным списком стихотворений, в них вошедших, собраны в разделе "Поэзия".

Sağlıqnen qal

SAĞLIQNEN QAL

“Disputım”, kel yaqın, sarılayım boynuña
Ketem men köyüme, ayrılıp senden.
O, suvuq tañlarda yanıñda bulundım;
Bilmeyim, göñüliñ hoşmıdır menden?

Çernigov çölünde seniñnen cuvurdım,
Amansız borandan saqınmay ürkmey.
Kazatin, Fastovnıñ qırları artında
Duşmannen uruştıq, yeñilüv bilmey.

Yuqlasam, tüşümde seniñnen çekiştim,
Seniñnen çıqtım men şu uzaq yollarğa.
Trevoga ökürse, arqaña atlandım,
Razvedçik oldım men, çekildim dağlarğa.

Dünyada menim çoq dostlarım bar edi,
Faqat iç birisi beñzermi saña?
Ahırda, manejde sevimli közleriñ
Em ğamdan yaşardı, em küldi maña.

Seneler keçerler... künbatı cenkinde
Kene de körersiñ sen meni yanıñda;
Şimdilik sağlıqnen qal endi, dostum;
Baq, közüm yaşlandı ökünçten, aldıñda!

1934 s.